Fundau in su mes'e ladamini de su 1974, potat in palas, po cussu, prus de 35 annus di atividadi, chi arrapresentat una sienda manna di esperientzias, s'Istitutu si ponit cument'e logu prus che nodiu de circa de istoria de immoi, cument'e servitziu de iscipiu in sa manera prus ampr 'e su fueddu.
Is finis suus funt s'arregorta, s'ordinamentu e sa cunservatzioni de sa documentazioni di 'ogni'arratza, arreguardanti s'istoria de custu tempus de su Vercellesu, de su Biellesu e de sa Valsesia, cun ispetziali riferimentu a s'antifascismu, a s'Arresistentzia e a su movimentu de is traballadoris e de is messaius.
A prus de favoressi sa consurtatzioni de totus is paperis, s'Istitutu promovit istudius istoricus, organizat cunferentzias, abbucamentus e cursus di ajornamentu, produsit videocascitas, donat a s'istampa librus e prubicat un'arrevista.
Sa sienda de s'Istitutu est oindì prus che manna: unus cantu centumilla de paperis, milli e milli voluminis, unus cantu centus de arrivistas diversas, de firmis e videocascitas.
Archiviu, biblioteca, arregorta de jorronnalis, audio-foto-cine-videoteca, arregortas computerizadas, novas de librus, mustras e medas atrus servitzius funt a s'imperu de is entis localis aderentis, de is sotziedadis curturalis, de is cicadoris, de is mastrus e de is iscientis: de cantu, in finis, tenint interessu po s'istoria de sa terra nosta.
(Brai Picciau dd'at traduśu in sardu)