L'Istitut é gnü metü sö d'otober dl 1974 y á insciö bele complí 35 agn de ativité arjunjon bindebot de esperiënza. L'Istitut n'ó nia ma ester en zënter de inrescides storiches porsura le tëmp daincö tl raiun, mo ince en sorvisc cultural.
Sü fins statutars é chi de abiné adöm, de ordiné y tigní sö documentaziuns desvalíes che reverda la stora daincö tl raiun de Vercelli, de Biella y dla Valsesia, ti jon dô suradöt al antifascism, ala Resistënza y al movimënt di lauranc y di paurs. Suraprò á l'Istitut ciaré tres chësta documentaziun y al mët a jí stüdi storics, conferënzes y cursc d'ajornamënt; al dá fora videovëtes, libri y en sföi. Bindebot gran é bele so archif: plü de 100mile documënc, libri y sföis, films y videovëtes.
Al mët ala lita en archif ampl de mesums audiovisifs, na banca de dates, bibliografies, mostres y pîta laprò d'atri sorvisc. Döt chësc material vëgn metü a disposiziun ales corporaziuns locales, ales scores, ales biblioteches, ales uniuns culturales y a inrescidus, a maestri y studënc y a düc chi che á interès ala storia dl raiun.
(Traduziun de Berto Videsott)